احذروا من اللاب توب الكاميرا

[ندعوك للتسجيل في المنتدى أو التعريف بنفسك لمعاينة هذه الصورة]

نصيحة لكم من أعماق قلبي ..

‏تعرفون ان في الفتره هذه انتشرت اللابتوبات اللي فيها كاميرا
‏واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
‏يشغل الكاميرا بالمسنجر او السكايبي وانت ما تدري
‏يعني راعي البرنامج يدخل عليك ويشوفك وانت تحسب كاميرتك طافيه
‏والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< ‏هذه ميزة بمسنجر بلس
واللي خلاني اكتب الموضوع هالسالفة :
‏يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
‏وشفته مبين عليه الهم والغم والدنيا مو شايلته
‏سالته وش فيك ؟
وقالي سمعت عن البرنامج اللي يشغل كاميرا النت
‏قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
‏ورحت اتروش ورجعت ابدل بغرفتي <<< ‏يعني كان عريان <<
‏يقول شويه واسمع صوت المسن اللي يطلع لو احد كتب لك كلام
‏ولما دخلت الا واحد يقولي شخبارك ومن هالكلام
‏وما امداه اخذ دقيقتين الا يقولي بوريك شيء .. ‏مقطع فيديو
‏خويي تحمس وجا يبي يطالع الا المسكين شاف نفسه وهو يبدل
‏يقول خويي الحمد لله ما اغمي علي ولما اخذ وعطى
‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسلها لي
‏طبعن خويي ما وافق لانه عارف ان الولد بيرجع له مرة وثنتين و3
‏الولد للاسف عمره 21 ‏وعاطل ومو هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين
‏المهم ان الولد مهدد انه ينتشر المقطع
‏وخويي لما امس وهو مصدوم وحالته حاله وخايف
‏والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
‏غطوها بورقه او عضو روها وجيبو وحده خارجية
‏او حطو عليها علك <<< ‏الاخيرة فكرة هنود ما تلاحظون
‏حبيت أنبهكم وبس والباقي عليكم
‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.
منقول من واحد ونقلته علشان الحذر
وتقبلوا تحياتي

لاحول ولاقوة الا بالله

شكرا اميرة على التنبيه

[ندعوك للتسجيل في المنتدى أو التعريف بنفسك لمعاينة هذه الصورة]

الله يســــــــــــــــــــتر

شكرا يا أميـــــــــــــــــــــــرة على الموضوع المهم

تقبلي مروري

شكرا رشا وعبير على المرور
وهذا واجبنا

» احذروا ...احذروا...اللهم بلغت .. الله فشهد
» صور لطاولات الكمبيوتر المحمول ..اللاب توب
» 'الكاميرا الخفية' المصرية
» احذروا الفتوى بدون علم
» احذروا وسيله جديده لنشر مرض الايدز