احكيلكم القصة





*






جاك و امه كانوا ناس فقراء جدا ما معاهم يحلقوا





**





ام جاك قالت لجاك:خوذ البقرة السمرا يما و بيعها خلينا نشتري اشي نتسممه





اخذ جاك البقرة و ذهب الى السوق









في الطريق قابل رجلا و امرأة (المراة انا اضفتها)





جاك: يا عمو اشتري





الرجل:حل عني يا ولد





جاك:مشان الله يا عمو اجبر عني بدي اشتري ساندويش فلافل





مد الرجل يده يحاول اغلاق نافذة السيارة لكنه تذكر في اللحظة الاخيرة انه يسير





على اقدامه وانه السيارات ما كانوا لسه مخترعينها





الرجل: بقولك روووووح وله من هون قبل ما اجيبلك الدوّر !!





جاك: الله يخليلك اللي جنبك تشتري





الرجل امسك بتلابيب جاك





(تلابيب مش عارفة شو بالزبط بس اكيد قبة القميص )





و قال: مجنون انت..ولك مجنون..هاي مرتي بتدعي علي





و اراد الرجل ان يوسعه ضربا و رفشا (يترفشة يعني )





**





تدخلت المراة:مالك يا عقلة..سيب الصبي





و اخرجت تلات حبات فول من الكيس الذي كان بحوزتها و كانت تقرقط فيه





و اعطتهم لجاك و اخذو البقرة السمرة





عاد جاك الى المنزل مفعم بالسعادة





(مفعم يعني مش مصدق حاله )





سألته امه: بعت البقرة يما





جاك:اه يما و هاي ثلاث حبات فول حقها





امه: يعدمني اياك شو اهبل





وكمان اوسعته ضربا و رفشا





(ملطشة هالجاك)





**





و رمت حبات الفول من الشباك





و نام جاك و هو يلعن سنسفيل البيع على الاشارات





*





امطرت السماء في الليل





و فتحت ام جاك الشباك لترى شجرة فول ضخمة و قد نمت ووصلت الغيوم





ام جاك:يسعد الله..ما عرفتش تجيب بدال الفول اكم كيلو لحمة بدنا نضل منفوخين طول عمرنا





و شاتته شلوتا اوصله الى قمة الشجرة







و هناك وجد جاك و في اعلى الشجرة قصرا كبيرا لمارد ضخم مخيف





دخل القصر و اختبأ و جاء المارد:





مم مم همم همم ...شامم ريحة ولد زغيييير





جاك لنفسه: عاد انا متحمم من شهرين ؟!.





اكل المارد 3 خرفان و 12 جاجة و نام





رأى جاك ان المارد يملك اوزة تبيض ذهبا فلطشها و هرب





لحق به المارد و حاول ان يمسكه









لكن جاك سبقه و قطع ساق الشجرة









ووقع المارد و طج على الارض و طبعا مات





(يعني جاك حرامي و قاتل و اهبل)





و اخذ جاك الاوزة و اعطاها لامه التي فرحت بابنها الحرامي فرحا شديدا





و باعوا البيض بسوق الصاغة بالصويفية (منطقة راقية في عمان)





و عاشو سعيدين





و اشتروا قصرا في عمان الغربية و 3 سيارات





و جابو الرجل اللي ضربه بأول القصة شغلوه شوفير و مرته اشتغلت طباخة





و توته توته خلصت الحدوتة





و هيك يا اطفال منتعلم انه السرقة من المارد مش حرام و انه الفول مفيد للعظام





و انه اللي بيسرق ما بروح عالنار بروح ع دير غبار











ملاحظة (دير غبار ) تعتبر أرقى حي في عمان الاردن

هههههههههههههههههه
والله مالي عرفانة شو بدي قلك
هلق هيك صارت الفصة
وعمان كمان
لك روح الله يوفقك

[ندعوك للتسجيل في المنتدى أو التعريف بنفسك لمعاينة هذه الصورة]

حلوة القصة دى
بس من تأليفك ولا نقلتها؟؟