نفسك جسمك يكون رشيق زي نجمات السينما وعارضات الأزياء

فسك
في حاجة تخليكِ رشيقة وإنتِ قاعدة في بيتك لأن مش عندك إمكانيات أو وقت
تروحي النادي وتعملي تمرينات رياضية علشان تتخلصي من بعض العيوب اللي
موجودة في جسمك...

نفسك تعملي كل الحاجات دي ومش عارفة ازاي..

أكيد حلم كل بنت هو الحصول على قوام متناسق خالي من أي عيوب ممكن تكون
موجودة فيه زي مثلا بروز البطن "الكرش" أو مشكلة الأرداف العريضة أو مشكلة
"ترهلات الصدر" وغيرها من المشاكل اللي ممكن إنها تأثر على جمالك

[ندعوك للتسجيل في المنتدى أو التعريف بنفسك لمعاينة هذه الصورة]

وأكيد بتسألي نفسك وبتقولي يا تري إيه السبب في المشاكل دي كلها؟؟؟

لو فكرتِ بينك وبين نفسك كويس هتلاقي إن السبب الأساسي في ظهور المشاكل دي
كلها هو "الكسل والخمول وقلة الحركة" اللي ممكن تكون غصب عنك نتيجة مثلا
إن طبيعة عملك بتفرض عليكِ الجلوس لفترات طويلة.. أو إنك مش عندك إمكانيات
أو وقت إنك تروحي النادي تعملي تمارين رياضية.

بس إيه رأيك لما تتخلصي من كل المشاكل دي وإنتِ قاعدة في بيتك ومن غير أي
مجهود.. كل الحكاية إنك تفضي نفسك كل يوم ولو لمدة نص ساعة ونعمل شوية
التمرينات اللي هنقول لك عليها دلوقتي وده لأن زي ما إنتِ عارفة إن ممارسة
الرياضة شيء ضروري جدا ومفيد.

بس في البداية
قبل ما نقول لك على التمرينات دي عايزينك تاخدي بالك من شوية الحاجات البسيطة دي:
1- ياريت إنك قبل ما تقومي بممارسة التمارين
الرياضية وبعد ما تنتهي من ممارسة الرياضة تعملي تليين لعضلات جسمك.. وده
لأن البدء المفاجئ في التمارين الرياضية أو الانتهاء المفاجئ منها ممكن
إنه يعرضك لمشاكل زي حدوث شد في عضلات الجسم أو تشنجات أو حدوث الألم خاصة
لو كانت التمارين دي شديدة شوية.

2- احرصي على شرب كمية كافية من المية في الأيام اللي هتعملي فيها تمارين علشان تعوضي جسمك عن فقدانه للسوائل.

3- مش محتاجة إني أقول لك إنك ماتجيش على نفسك زيادة عن اللزوم في
التمارين الرياضية علشان ماتشعريش بالإرهاق والتعب بعد فترة قصيرة من بدء
التمرين وتكرهي اليوم اللي فكرتِ فيه إنك تمارسي رياضة..

وخليكِ دايما فاكرة..
إن الحصول على الوزن المناسب والجسم الرشيق مش هييجي بين يوم وليلة، ده
محتاج وقت وصبر وجهد ومحتاج إنك تلغي من قاموس حياتك كلمة مافيش فايدة أو
زهقت ولازم تعرفي حاجة مهمة قوي وهي إن الاستمرار في ممارسة التمارين دي
هو شرط النجاح في الحصول على القوام المثالي الخالي من أي عيوب.

تعالي بقى نعمل التمارين مع بعض
يلاّ.. واحد اتنين...

تمرين الوقوف على أطراف القدمين

[ندعوك للتسجيل في المنتدى أو التعريف بنفسك لمعاينة هذه الصورة]

والتمرين ده بيسمى تمرين الوقوف على أطراف
القدمين وكل اللي هتعمليه فيه هو إنك تقفي على أطراف قدميك لمدة خمس ثوان
مع شد الجسم.. وبعد كده تقفي على رجلك تاني.. وترجعي تكرري الموضوع ده 5
مرات مع مراعاة إن إيدك تكون جانبك وظهرك يكون مفرود.

وعلى فكرة التمرين ده مفيد جدا لأنه بيساعد على شد عضلات الجسم ومنع حدوث ترهلات في الفخدين.

تمرين الأرجـل

[ندعوك للتسجيل في المنتدى أو التعريف بنفسك لمعاينة هذه الصورة]

اقعدي على كرسي مع مراعاة فرد الظهر بعد كده مدي رجلك اليمنى للأمام ورجعيها تاني إلى وضعها الأساسي..
كرري التمرين 8 مرات لرجلك اليمين و8 لرجلك الشمال والتمرين ده بيفيد في
التخلص من مشكلة الكرش وتخسيس منظقة الفخدين والتخلص من ترهلات الفخدين.

تمرين البطن

[ندعوك للتسجيل في المنتدى أو التعريف بنفسك لمعاينة هذه الصورة]

نامي على الأرض وإيدك جانبك بعد كده اثني رجلك
اليمن 8 مرات ورجلك الشمال 8 مرات.. والتمرين ده بيساعد على تقوية عضلات
البطن والتخلص من مشكلة ترهلات البطن.

تمرين لشد البطن

[ندعوك للتسجيل في المنتدى أو التعريف بنفسك لمعاينة هذه الصورة]

وده كمان تمرين تاني لشد البطن والتخلص من
ترهلات البطن.. كل اللي عليكِ إنك تنامي على وشك وتحطي إيدك ورا وترفعي
رأسك بصدرك عن الأرض لمدة خمس ثوان، وتنزليها تاني.. كرري التمرين ده 5
مرات مع مراعاة إن يكون ظهرك مفرود.. ولو عايزة نتيجة أحسن يبقى ياريت
تعملي مع التمرين ده تمرين البطن كمان.

تمرين الأرداف

[ندعوك للتسجيل في المنتدى أو التعريف بنفسك لمعاينة هذه الصورة]

نامي على بطنك وإيدك جانبك وارفعي رجلك اليمين
نص رفعة وبعد كده رجلك الشمال.. كرري التمرين ده 5 مرات لكل رجل.. وعلى
فكرة التمرين ده هيساعد على التخلص من مشكلة الأرداف نهائيا.

تمرين لتقوية عضلات الظهر

[ندعوك للتسجيل في المنتدى أو التعريف بنفسك لمعاينة هذه الصورة]

نامي على ظهرك وإيدك جانبك، وبعد كده قومي بظهرك
من على الأرض نص قومة لمدة خمس ثوان، ورجعيه تاني على الأرض.. كرري
التمرين ده خمس مرات لأنه بيساعد على تقوية عضلات الظهر.

تمرين الحفاظ على الرشاقة

ولو كنتِ رشيقة وعايزة تحافظي على رشاقتك يبقى مافيش قدامك غير التمرين ده..

الخطوة الأولى

[ندعوك للتسجيل في المنتدى أو التعريف بنفسك لمعاينة هذه الصورة]

نامي على الأرض وحطي رجلك على الكرة واثني ركبتيك بزاوية 90 درجة... ارفعي كتفيك عن الأرض وحطي كفيك على جانبي ركبتيك.

الخطوة الثانية

[ندعوك للتسجيل في المنتدى أو التعريف بنفسك لمعاينة هذه الصورة]

افردي رجلك على الآخر وشدي مشطي القدمين وفي نفس
الوقت افردي ذراعيك تماماً للخلف وعلقيهما في الهواء.. حافظي على الكتفين
معلقين في الهواء لمدة 5 ثوان.

كرري التمرين ده 3 مرات مع العودة إلى وضع الاستعداد ولو ماعندكيش كرة مطاطية زي دي ممكن إنك تستخدمي بدل منها كرسي لأداء التمرين.

دي كانت مجموعة من التمارين الرياضية اللي هتساعدك على الحصول على قوام متناسق..

وعلشان احنا عارفين إن مشكلة ترهلات الصدر دي مشكلة بتعاني منها بنات كتير قوي، وبيبقوا مش عارفين يعملوا إيه..

جبنا لكم المجموعة دي من التمرينات اللي إن شاء الله بعد ما تعمليها مش هيبقى فيه مشكلة نهائي..

يلاّ واحد اتنين.. مع بعض

التمرين الأول

[ندعوك للتسجيل في المنتدى أو التعريف بنفسك لمعاينة هذه الصورة]

ده في منتهي السهولة.. كل الحكاية إنك هتحطي تحت
رجلك كرة مطاطية مع وضع الذراعين على الأرض والطلوع والنزول بالرأس ومنطقة
الصدر عشر مرات.. وخدي بالك إن يكون ظهرك في وضع مستقيم.

التمرين الثاني

[ندعوك للتسجيل في المنتدى أو التعريف بنفسك لمعاينة هذه الصورة]

حطي ظهرك على كرة مطاطية مع قبض الكفين جيدا حتى
تشعري بشد عضلات الأيدي.. افتحي ذراعيك عن بعضهما البعض وضميهم تاني مع
مراعاة إن الإيدين تكون متقابلتين عند الرفع.

التمرين الثالث

[ندعوك للتسجيل في المنتدى أو التعريف بنفسك لمعاينة هذه الصورة]

وده فيه شبه من التمرين التاني لكن الفرق هو الجلوس على الأرض وعند رفع اليدين يجب أن يكون الكفان متجهان للأمام بعكس السابق ...
في حالة عدم وجود الكرة المطاطية ممكن استخدام وسائد .

التمرين الرابع

[ندعوك للتسجيل في المنتدى أو التعريف بنفسك لمعاينة هذه الصورة]

في التمرين ده ممكن إنك تنامي على أرض ولكن من
الأفضل إنك تنامي على حاجة مرتفعة ولو قليلا علشان إيدك ماتخبطش في الأرض
أثناء أداء التمرين.

التمرين الخامس

[ندعوك للتسجيل في المنتدى أو التعريف بنفسك لمعاينة هذه الصورة]

اقفي قدام الحيطة وخدي بالك إن رجليكِ تكون بعيدة عن بعضها والأصابع تكون أعلى بقليل من مستوى الكتف..

بعد كده اثني الكوعين وتوقفي قبل وصول جسمك إلى الجدار واستني شوية، وبعد كده ارجعي تاني كرري التمرين ده عشر مرات...

بس كده.. خلاص خلص

يسلمو دينا .. بس البت يلي في الصورة الأولى بتضحك على ايه مش فاهمة ؟ :roll:

دينا .. تيجي نرجع للاتفاقية ؟ Sleep

» عشر نجمات تضئ حياتك...
» مواقع مصممين الأزياء المشهورين
» تأسيس أول رابطة لعارضات الأزياء المحجبات في مصر
» كيف تعالج جسمك من السحر
» شوف جسمك ونت عريان من جلدك؟؟؟؟لا تفوتكم