* المقادير :
كوب طحين ابيض
كوب نشاء (انا سويت نص كوب تقريبا )
نص كوب سمن جامد أو زبده سايحه (( يعني 100 غرام ))
بيضتين
نص كوب سكر ناعم
ملعقة شاي باكنج باودر
نص ملعقة شاي فانيليا
مربى
مكسرات مطحونه



*الطريقه :
اخلطي السمن او الزبده مع البيض في الخلاط
اضيفي النشاا والسكر
اضيفي الباكنغ باودر و الفانيلا و الطحين


و تعجبن الى ان تتماسك
راح تحسين انها ناعمه جداً
تكورين كور صغيره (او تسوينها على طريقتي اللي بتكون موجوده تحت بالصور)


تحطين قطعه المونيوم في الصينيه
و تخبزينها في فرن على نار هادئة جدا لمدة عشرة دقائق (او لما يصير لونها ذهبي شوي)
خليها تبرد شوي


عقب حطي مربى على الجهه الخلفيه من البسكويت
الصقيها بقطعه بسكويت اخرى


جهزي حمام البخار للكاكاو
عقب اغمسي البسكويت في الكاكاو و اتركيه شوي يبرد
عقب مره ثانيه اغمسيه في المكسرات المطحونه


خلونا نتابع بالصور .. خطوه خطوه







بعد ما اكورهم او اشكلهم على طريقه معينه
رصيت عليهم بأصابعي شوي (( عقب ضغطت بالشوكه عليهم ))






و نلصقهم مع بعض عن طريق المربى




**طبعاً حمام البخار .
هذا الكاكاو
و نضيف شوي حليب بارد عشان ما يكون جامد



نغمس البسكويت في الكاكاو ..
عقب نخليه شوي يبرد عقب نغمسه في المكسرات المطحونه