السلام عليكم

كنت جالس فطرى علي بالي هالموضوع الذي يتكلم عن البزران ..

الله يصلحهم بس ...



طبعا مو كل البزراين زي بعض في أنواع للبزارين .. خلونا نتعرف عليهم سوا ..

البزران القشران

هذول لحد يقرب لهم ابد ابد .. الواحد لسانه يلوط رجلينه من طوله .. جن مصور بس لو تناظرهم نظره وبالغلط

اشتغلت شياطينهم وشبت نيرانهم اعوذ بالله ...

يالله عاد وش يفكك منهم !! وأتحداااااك لو تطلع منها سليم ..

البزران الخكريين

هذول عاد زايدين عن اللزوم في كل شي..

كل بزر منهم وراه عشر شغالات ..دلع فاضي يجييك الواحد منهم في منتهى المياعه..

وياااااااااكثر صياحهم يوجعون الراس بسبب وبدون سبب .. يعني متى ماطقت براسه يصيح صاح..

البزران النشبه:

هذول عاد وش يخلصك منهم اعوذ بالله كنه جبل وجلس على قلبك ..وياعليهم أسأله مدري وش تبي

تقل ماوراك شغله الا تجاوب عليها..

اذا رفعت يدك قال : ليش رفعت يدك ؟ واذا نزلتها قال: ليش نزلت يدك؟

وجع قسم يرفعون الضغط .. وياليت لو تجاوبهم عاد ترتاح لااااااااااااااا

مثلا لاشربت ماء وسألك ليش تشرب وجاوبت على بالك بتسكته وتقول كيفي مزاجي ياخي ..

يقول ليش كيفك مزاجل يااخي ؟؟ مشواااااااااااااااار

وجع من وين طالعين هذول .. فا أحسن لك انك تسكت بس ..

البزران الحبوبين:

ياحبي لهم قسم ذوق وعسل وفل وياسمين وكل شي ..

والمشكله هذول اقل نسبه من الاطفال :( .. قليييييييييييييل ماتلاقيهم بالساهل..

هاديين - حبوبين - نعومين - طخمان - مهددين بالانقراض

قسم ان الواحد يتشفقهم شفاقه من قلهم .. الله يحفظهم ويكثر من أمثالهم ..

البزران القليلين الأدب :

وجع وجع وجع وجع وبعد وجع << ماتقلد احد

قسم مايستحون ولا ينتخون بزران توهم صغار ماطلعوا من البيضه يعرفون امور وسوالف جدتي ماتعرفها !!

مايعرفون البراءه ولا شموا ريحتها .. وجع توجع عين العدو قولوا آمين ..

هذول اذا كبروا وش بيسوون ؟؟

--------------

طيب ليش تغيروا البزران ماهم مثل بزران أول ؟؟

( تحليلي الشخصي

لان كله من أفلام الكرتون اللي يشوفونها وجع حتى كراتينهم مافيها براءه << الله يذكر بسيط بالخير بس

اذا جلست تتابعها تلاقي القصه حقت كبار ماتصلح لهم ابد..

مثلا يجيبون لك بسه رجال وبسه حرمه ويالله شف عاد !! وجع ويقولون كرتون (عيب عيييييب أنا

أستحي اشوفها وبعدين وش دخلهم بهالسوالف هم !!

والا تجييك بقره والا قرده لابسه قاااال ملابس .. خرقه طوله سم واحد .. يالله عاد هذي وين يحطونها فيه بالله ؟؟

صح افلام كرتون بس غلط كذا يتعودون البزران على هالمناظر لين يكبرون وتسير عندهم شي عاادي ..

يدسوون السم بالعسل (على قولت أمي الله يحفظها )

والا يجيبون لك واحد معه سكين ويطعن واح د وإجرام ودم ومدري وشو

والا واحد يغرق الثاني بحوض مويه (زي المحقق كونان) << مايصلح للبزران ابببببد..

بعيدن تسير هالمناظر عادي عندهم ويحسوون انها شي سهل وبسيط ويسوونه :

( .. عاد هم ماشالله تبارك الله مايحتاج

اول مايخلص الكرتون من هنا يروحون يطبقونه في حياتهم اليوميه..

( والا البلاي ستيشن

مصيبه داهيه قسم في ألعاب ماتصلح لهم حقت كبار ويلعبونها .. تربيهم على مزاجها وتروح تربية الاهل فشووووش

في ألعاب اجرام (انت تلعب المجرم) وألعاب رعب تخوف مرررره ماتصلح لهم ابد (انا اخاف منها ) تخلي الواحد

يطلع مريض نفسي بسم الله علينا..

وألعاب فيها قله حياا تكون مثلا اللعبه عاديه بس يحطوون صور مدري وش تبي مالها دخل ابببد

بالسالفه وجع توجعهم يبون يخربون بزراننا بأي طريقه هالغرب وهم مو ناقصين ابد ..

قسم حال البزران يرثى لها محاصرينهم من كل ناحيه يعني مافي امل خلاص بينقرضون الحبوبين لامحاله

في مواقف عن البزران بعد بس احس الموضوع طال وكله بزران في بزران الله يكفينا شرهم ..

يبلهم فليت ارشهم فيه وارتاح ههههههههههههههههههههه .. بس مو كلهم



يالله تعبت وغثيتكم معي