أكيد أي عروسة بتحب إنها تعرف إيه الجديد في موضة
فساتين الزفاف؟! علشان ترسم بينها وبين نفسها صورة فستان فرحها اللي تحبه،
وكمان علشان لما تنزل محلات بيع أو تأجير الفساتين تكون عارفة إيه الموديل
القديم وإيه الجديد وما حدش يضحك عليها...

وطبعا ده كله مش هيحصل إلا لما تشوف موديلات
وتصميمات مختلفة... علشان كده إحنا دورنا ولفينا شمال ويمين وجبنا لك
المجموعة المتميزة دي من التصميمات والأشكال المختلفة.

المجموعة الأولى
فستان قطعة واحدة استخدم فيه خامتان، خامة الستان ودي واخدة جزء كبير
من تصميم الفستان، والتل اللي بيحتل جزء صغير جدا موجود في نهاية
الفستان...
الشكل ده بيتميز بوجود تطريز بسيط جدا على منطقة الصدر
وعند نهاية الجزء الستان، قبل بداية الذيل المصمم من التل، شكل زي ده
مناسب للبنت الطويلة الرفيعة، أو الطويلة وجسمها متناسق، كمان الشكل ده
بيتميز بوجود ذيل بسيط للفستان.

[ندعوك للتسجيل في المنتدى أو التعريف بنفسك لمعاينة هذه الصورة]

ده كمان شكل تاني للفستان القطعة الوحدة، شكل زي ده هتلاقيه مصمم كله
من الستان، مع وجود تطريز على منطقة الصدر والبطن، بالإضافة لطرف الفستان،
الشكل ده مصمم بذيل طويل ممكن إنه يصمم في الفستان نفسه أو يتم تركيبه في
الفستان وبحيث يمكن للعروسة الاستغناء عن الذيل أثناء الفرح أو تركيبه وقت
ما تشاء... الشكل ده مناسب جدا للبنت الطويلة النحيفة من منطقة الوسط
والصدر.

[ندعوك للتسجيل في المنتدى أو التعريف بنفسك لمعاينة هذه الصورة]
اما في شكل زي ده فهتلاقي إن الفستان مصمم من الستان، بيتميز الشكل ده
بوجود تطريز بشكل مكثف على منطقة الصدر، وعلشان كده بتلاقيه مناسب جدا
للبنت اللي بتعاني من مشكلة صغر حجم الصدر؛ بينما تقل كمية التطريز عن
باقي الفستان، لتظهر بشكل مكثف مرة أخرى عل منطقة الذيل، الشكل ده مناسب
للبنت اللي جسمها متناسق جدا.

[ندعوك للتسجيل في المنتدى أو التعريف بنفسك لمعاينة هذه الصورة]
الشكل ده بيتميز بوجود كشكشة بسيطة جدا عند منطقة الوسط وتزداد
تدريجيا، الشكل ده بيتميز بوجود تطريز كثيف على منطقة الصدر، وتطريز على
الأطراف، شكل زي ده مناسب جدا للعروسة المتوسطة الطول.

[ندعوك للتسجيل في المنتدى أو التعريف بنفسك لمعاينة هذه الصورة]
شكل تاني من أشكال فستان الفرح مختلف تماما عن الأشكال السابقة لأنه
نازل على واسع جدا بشكل كلوش في الجزء الثاني من الفستان، بالإضافة إلى
وجود كشكشات بسيطة جدا جدا على منطقة الوسط، وتطريز من الأمام يتنهي قبل
نهاية الفستان بحاجة بسيطة، أما باقي الفستان فلا يوجد عليه تطريز، أنسب
قماشة مناسبة للفستان ده هي الستان فقط لا غير. والشكل ده مناسب لكل
الأحجام، ومعاه هتقدري إنك تجمعي بين الشياكة والأناقة في نفس الوقت.

[ندعوك للتسجيل في المنتدى أو التعريف بنفسك لمعاينة هذه الصورة]
ده شكل تاني يشبه لحد كبير الشكل السابق، لكن بيتميز بوجود طبقتين
طبقة ستان داخلية وطبقة خارجية ممكن أنها تكون من الأورجنزا الثقيلة أو
التل، والطبقة الثانية هي اللي عليها التطريز، الشكل ده عليه تطريز فقط من
على منطقة الصدر والوسط بشكل كبير، بعد كده بتلاقي إن التطريز موجود من
الأمام لينتهي مع نهاية الفستان مع وجود تطريز على الذيل البسيط الموجود.

[ندعوك للتسجيل في المنتدى أو التعريف بنفسك لمعاينة هذه الصورة]
أما لو كنت عروسة غير تقيلدية وفي نفس الوقت عايزة فستان شكله جديد
فممكن إنك تختاري شكل زي ده، في شكل زي ده استخدم نوعان من القماش في
تصميمه، الجزء العلوي مصمم من قماش الستان، أما الجزء السفلي فمصمم من كذا
طبقة تل علشان تلاقيه منقوش زي ما أنت شايفة كده، مع وجود تطريز من علي
منطقة الصدر، الشكل ده مناسب للعروسة الطويلة لأنه هيساعدها على إخفاء
طولها.

[ندعوك للتسجيل في المنتدى أو التعريف بنفسك لمعاينة هذه الصورة]
الشكل ده جديد تماما بس محتاج منك إن يكون عندك جرأة بدرجة كفاية إنك
تلبسيه، وده لأنه بيتميز بعمل درابية في نهاية الفستان، بالإضافة إلى وجود
شغل بالخيط الذهبي في المنطقة من تحت الصدر والوسط، والأطراف بالإضافة
لوجود ذيل صغير في نهاية الفستان، عرفتي ليه أنا قلت لك إنه شكل محتاج
جرأة لأنه خرج فيه الفستان بشكل جديد عن الشكل المعتاد.

[ندعوك للتسجيل في المنتدى أو التعريف بنفسك لمعاينة هذه الصورة]
ده برضه فستان أبيض وعليه تطريز كامل على الفستان بخرز لونه سيلفر،
بالإضافة إلي وجود حزام عريض من قماش الستان ملفوف على منطقة الوسط،
بالإضافة إلى وجود ورد من نفس قماشة الفستان على الحزام الستان زي ما إنت
شايفة كده، وده مناسب للبنت الرفيعة واللي بتعاني من مشكلة الأرداف
العريضة أو الكرش لأنه هيساعدها على إخفاء كل المشاكل دي.

[ندعوك للتسجيل في المنتدى أو التعريف بنفسك لمعاينة هذه الصورة]
أما لو كنت بنت بتحبي الشكل التقليدي لفستان الزفاف، فممكن إنك تصممي
فستان زي ده بالضبط، كله شكل وتطريز من أول الفستان حتى نهايته وفيه كمان
ذيل طويل. الشكل ده بيناسب البنت صاحبة الجسم الممتلئ لحد ما، وعلى فكرة
مع شكل زي ده، أوعدك أنك تبهري كل المدعووّين بأناقة فستانك.

[ندعوك للتسجيل في المنتدى أو التعريف بنفسك لمعاينة هذه الصورة]
أما بقى لو كنت عايزة ترجعي لعصر الستينات أيام الأفلام الأبيض
والأسود، وفي نفس الوقت تحتفظي بالبساطة والشياكة، فممكن إنك تختاري شكل
زي ده بالضبط.. وهو عبارة عن فستان بحمالات وجاي شغل بخيط بلون مختلف على
المنطقة اللي تحت الصدر، وضيق من فوق ونازل على كلوش من تحت بالضبط زي شكل
السمكة، بالإضافة إلى وجود ذيل كبير ممكن أنك تركبيه أو تفكيه.


[ندعوك للتسجيل في المنتدى أو التعريف بنفسك لمعاينة هذه الصورة]
أما لو كنت عروسة ووزنك مليان شوية وبرضه عايزة تلبسي فستان شيك يبقى ما فيش قدامك حل غير إنك تختاري شكل زي ده بالضبط.

[ندعوك للتسجيل في المنتدى أو التعريف بنفسك لمعاينة هذه الصورة]


المجموعة الثانية

بعد ما اتفرجنا على المجموعة الأولى من الفساتين، تعالي دلوقتي نتفرج على مجموعة أخرى مكونة من قطعتين الكورساج والجوب.
ده أول شكل معانا في الشكل ده "الكورساج" الجزء العلوي من الفستان"
مصمم من الستان، مع وجود تطريز بسيط جداً على جزء من الكورساج، أما
بالنسبة "للجوب" الجزء الثاني من الفستان فمصمم من قماش الستان مع وجود تل
في نهاية الجزء الأمامي من الفستان، بالإضافة إلى وجود تطريز بسيط جدا،
الشكل ده بيتميز بوجود ذيل طويل، الشكل ده مناسب للبنت القصيرة الرفيعة

[ندعوك للتسجيل في المنتدى أو التعريف بنفسك لمعاينة هذه الصورة]
ده كمان شكل تاني من أشكال الفستان القطعتين، الشكل ده بيتميز بكورساج بسيط جدا وقصير، وجوب ضخمة جدا.

[ندعوك للتسجيل في المنتدى أو التعريف بنفسك لمعاينة هذه الصورة]
أما الشكل ده فيتميز بوجود كورساج مصمم من الستان، والجوب تل منفوش على شكل درابيه.

[ندعوك للتسجيل في المنتدى أو التعريف بنفسك لمعاينة هذه الصورة]
أما لو كنت عايزة تكوني مختلفة عن باقي العرايس يبقى اختاري تصميم زي ده

[ندعوك للتسجيل في المنتدى أو التعريف بنفسك لمعاينة هذه الصورة]



ودي مجموعة أخري من الموديلات
ممكن إنك تبصي وتطلي عليها

[ندعوك للتسجيل في المنتدى أو التعريف بنفسك لمعاينة هذه الصورة]


اضغطي على الصورة لمشاهدة المزيد من الصور


ونحب نقول لك إن الموديلات دي
تصلح للبنت المحجبة والبنت غير المحجبة

يعني البنت الغير محجبة ممكن
تلبسها زي ما هي كده

لكن البنت المحجبة فتحتاج إنها تقفلهم
والتقفيل دلوقتي بقي سهل جدا

لأنه بيكون بإنك بتلبسي بادي تل استرتيش
مطرز بنفس التطريز الموجود على الفستان
وبتلبسي بندانة وطرحة مطرزة
من نفس تطريز الفستان والبادي

ميرسي الك حبيبتي كتير على التشكيلة الحلوة كتير