استفتاء :هل تحتفل بعيد الحب؟

يا جماعه كل سنه وانتم طيبين
عيد الحب قرب امامه كام يوم

ياترى هل تحتفل بعيد الحب وهل تؤمن بيه؟؟؟

ارجوا من الجميع الدخول وابداء ارأهم

انا اول واحده حقول رأى
لاننا فى مصر بنحتفل بيه
انا مش ضد عيد الحب
بالعكس انا شايفه انه بيكون ظريف
يمكن انا ضد تسميته بكلمة عيد
لاننا كمسلمين لدينا عيدين فقط
لكن من الممكن ان نطلق عليه يوم الحب
على فكره مش شرط ان الاحتفال باليوم ده يكون مقتصر على حب الرجل للمرأه
ممكن يكون حب الزوجه
حب الزوج
حب الاخوات
حب الاصدقاء

يوم بنفتكرهم فيه ونقولهم كل سنه وانتم طيبين
ونجبلهم ورده حمرا
شكولاتايه

بتكون حاجه بسيطه ومعبره عن مشاعر رقيقه
مش عارفه مش شايفه ان حرام
اننا نختار يوم نعبر فيه عن مشاعرنا للى بنحبهم
طبعا انا لوسئلت مفتى او شيخ حيقولى حرام
وممكن يطلعنى فاسقه
لكن والله انا مسلمه بسيطه
لكن بحكم عقلى فى حاجات كتير
يعنى فى اليوم ده لما اتصل بصديقتى اقولها كل سنه وانتى طيبه
ايه الحرام؟؟
حيرد عليه الشيخ يقولى واشمعنا اليوم ده بالذات
ما كل الايام عندك
حقوله مشاغل الحياه بتلهينا
لكن لما نختار يوم ونسميه يوم الحب
ونتواصل فيه مع بعض مش غلط

نفسى يا جماعه اعرف وجهات نظر جميع الاعضاء