رح ابدأ أنا

.........



هالموقف صار معي من فترة ..
كنت قاعدة بغرفتي لحالي الساعة 3 ونص الفجر وقاعدة حبابة كتير عالنت ورااااااايقة وجنبي كاسة الشاي وكلو تمام التمام
من زيء عيني اليسار حسيت انو في حركة غريبة من تحت الباب .. :shock:
اطلّعت .. مالقيت شي
رجعت للنت :o
بعد لحظات رجعت حسيت في حركة .. اطلعت .. و اطلعت أكتر واكتر .. قلت اي والله :shock: ...
في شي عميتحرك !! :shock:
لسه ماكملت الجملة إلا شفتلكن ياه فات من تحت الباب عالغرفة ووقف بعيد عني شي مترين وصار يطلّع فيني
ويجئر فيني من فوق لتحت ..
أول شي فكرته هداك ... ( أكيد عرفتوه .. مابقدر اكتب اسمه مشان ما كوبس بالليل )
بعدين لقيته نط :shock: ... وراح على المكتبة يلي ورا الباب عمله فتله ورجع لمكانه
( لك العمى .. شو هاد ؟؟ )
وانا طبعا كنت صرت فوق الطاولة جنب الشباك ومن الرعبة صوتي ماعاد طلع
شو بدي اعمل ياربي ؟؟ شو بدي اعمل ؟؟ بدي حدا ينقذني ..
قلت مافي غيرها .. رح اتصل بالموبايل على أخي يجي ..
بس وين الموبايل ؟ ... عالطرف التاني من الغرفة
ومأحلاني وانا نازلة عالأرض وماشية جنب هالشي يلي ماكنت اعرف شو هو و جيب الموبايل
أمري لله ..
من المكتب اتعربشت عالمكتبة ومشيت عليها ونزلت من الطرف التاني واسناولت الموبايل من عالطاولة
ورديت رجعت نفس المشوار .. ( طلع مو بس هو بينط .. كمان أنا :oops: )
اتصل بأخي الزغير ماكان يرد .. ( ومن كل عقلي متأملة يرد .. هدا بالمدافع ومابيحس :roll: )
اتصلت بأخي الكبير .. التاني متل الأولاني .. عطاه هالصفة الوراثية بالسبات الشتوي
وأنا دموعي على عرض خدودي وعمبرجف وبلش نفسي يديئ ..
اطلعت لمصدر الخطر .. قام حس عليي وقرّب أكتر
وهون اكتشفت انو .......... ضفدع :shock: :shock: :shock:
لك يخرب بيت سنتك مين جابك لهون ؟؟؟؟؟ وازدادت الدموع وضربات القلب
رجعت اتصلت بأختي .. بس طلعت الخانوم قاعدة بالصالون وتاركة موبايلها عندي .. :evil:
قلت ياااااااااارب ..
وصرخت بأعلى صوتي ........... لك وينكوووووووووووووووون ؟؟؟؟؟؟؟
ماحدا رد
قلت والله لاتصل بالبيت وفيّق الكل ولو بدي آكل خنائة تاني يوم .. بس ماضل هيك بهالوضع
لأ والمصيبة كانو زايرين عنا جماعة جايين من السفر وعندن جهاز تلفون بغرفتن
( يعني في اتلة مو خنائة :lol: )
لسه مارن أول رنة إلا فاتت أختي بكل برودة ... شبكي ؟؟
بس لما شافتني فوق المكتب ودموعي عمتشر ووشي أصفر
قامت المضروبة سكرت الباب عليي :shock: وحاكتني من ورا الباب لانو عرفت أنو في إنّ بالغرفة
قلتلا في ضفدع تعو قيمووووه ...
أختي : لك بلا هبل هلأ .. قوليلي . ناموسة و لا دبانة ؟
أنا : والله والله ضفدع .. أو يمكن جرادة .. أو لأ ضفدع .. هو طويل معناتا جرادة ... بس نطتو خفيفة أكيد ضفدع ... أو .....
لك هلأ وقت سآلتك :evil: ؟؟؟؟ روحي جيبي أخوكي يجي لعندي بسرعة فرط قلبي
أختي : طيب طيب رايحة وطي صوتك هلأ بيفيقو الجماعة
عيب من واجب المضيف إكرام الضيف واحترام قيلولته و ....
أنا مقاطعةً : لك خلصيناااا هلأ مو وقت محاضرتك يبلاكي بنتفه !!!!!!! :evil:
راحت و غطت الخانوم 10 دقايق .. وانا رجليي ماعادو حملوني ..
جد اتمنيت يكون الشباك يلي ورايي بينفتح لحتى اوقف من برا
المهم ترتاح نفسيتي شوي ويلي زاد الطين بلة انو مابقدر شيل عيوني من عالضفدع مشان مايتخبى بشي مكان ويضيع
والتاني طلع جئر وقليل زوء .. انا إطّلع و هو يطلّع .. انا بحلق و هو يبحلق أكتر .. قلتلو بصوت واطي :
يبلاك بدعسة شحاطة ويبظو عيونك التنتين ... :evil:
قام اتحرك :shock: ... قلتلو آسفة آسفة مشان الله خليك هيك ماعاد عيدا
( لك حسيت حالي مجنونة وانا عمبحكي معه :oops: )
انفتح الباب وطل اخي براسه وعين بالطول وعين بالعرض ( أبصر كيف فاق معها :roll: )
حامل بإيده الـ بف باف .. وعميقلي : وينه ؟
ليكو ليكو ورا الباب مباشرة ... بس لشو البف باف يا مصيّف ؟؟
قام سكّر الباب :shock: ( لك شو هالعادة البايخة يلي فيهن ماكنت أعرف :evil: )
قلتلو بعيد عن الباب شوي .. لك فوووووووت لاتتركوني لحالي معه ببوس ايديكن ساعدوني بقاااا
فتح الباب واطلّع عالأرض بعدين فيني : لك عنجد طلع ضفدع !! لك منين إجى ؟
انا : هلأ مو وقت تحازيرك .. قيمو من غرفتي رح يوقف قلبي
أخي : كيف بدي قيمو ؟ بركي طلع مو ضفدع !!
انا : لك يلىىىىىىىىىىىىى ( وانا عمببكي طبعاً وجسمي كله عميرجف :( )
أختي : لك أنتي ليش مزعوجة ؟ مو يمكن يكون هدا نفسه الضفدع تبع قصة الأمير والضفدع ؟! 8)
وبلشو هنن الاتنين صهصلة وضحك و برادة .. وانا من رعبتي طلعت فوق الكايس تبع الجهاز
وعمببكي واترجاهن يطالعوه من هون ...
قال يعني زعلو عليي لما شافوني بهالحالة ودموعي عبّت الغرفة وبلش نفسي يديئ أكتر
و من كتر مااتعاطفو معي ........ ماعملو شي
عميفكرو منين إجى !! .. ( هنن شو هاممن ، برات الغرفة و ماحدا قدّن وشي حامل بف باف والتانية عصاية مقشة )
المهم بالأخير الزلمة الضفدع حس على حاله بالنهاية انو ضيف غير مرحب فيه قام طلع من مطرح ماإجى
واشتغل الركد برا بكريدور البيت الساعة 4 الفجر .. وجاب أخي سطل وحبسو فيه
وانا ماصدقت على الله نزلت من فوق كايس الجهاز نط وطبشت الباب وقفلته ( قال يعني اذا انقفل بيستحي مايفوت مرة تانية :lol: )
وبلشت زخ أخواتي ببهادل على برادتن ويلي عملوه وفاقو أهلي على صوتي و صوت طبش الباب بس ما اكلت نصيبي لأ !!
طلعو متل أخواتي .. وقفو حوالين المذكور اعلاه عميتحزروا منين إجى هالكركمّ :evil:

الحمد لله ضليت أسبوع السخونة بتروح و تجي وإلتهاب اللوز والكوابيس عمتلاحقني وشوفه بدو ياكلني وأخواتي ماتركو حدا إلا وحكوله كيف كان شكلي فوق الجهاز وعمبحكي متل الروبوت وقال شو ؟؟! خايفين لينزلو دموعي عالجهاز قوم اتكهرب :shock: ( قلبن عليي ولي عليهن :evil: ) ..
هدا غير انو كل يوم بسمعلي كم تعليق بايخ و ضحك من ورا لورا و كل مايطلع شي ضفدع بالتلفزيون يقولو هدا ضفدوع ريري :evil:

وهيك .. خلصت حكاية ريري مع الضفدع .. ان شاء الله ماحدا بينحط بهيك موقف .. :oops:

السلام عليكم

:shock: ريرى؟
ضفدع يعنى زى اللى بيبقى فى البرك
ولا برص؟؟؟
مش معقوله ضفدع
اللى لونه اخضر ده؟
اللى بيعمل صوت
ممكن يكون برص
بس كبير شويه
هههههههههههههههههههه
بس قصه جامده مووووووووووووووووووووووووووت

[ندعوك للتسجيل في المنتدى أو التعريف بنفسك لمعاينة هذه الصورة]انا بقى صعب تلاقوا عندى مواقف طريفه
ممكن تلاقوا مواقف نكد كتييييييييييييييييييييير
لكن ححاول افكر فى موقف طريف

يمكن يمكن يمكن يمكن الاقى موقف

له له .. لك ليش كلن نكد ؟ :lol:
معقول مافي شي بيضحك ؟
على فكرة انا عكسك .. كل مواقفي نهفة وبتضحك :oops:
طيب احكيلنا قصص النكد ونحنا بنحكم بركي بيضحكو ؟

:lol: :lol: :lol:

يلى وين المشاركات ؟
معقولة ماحدا صاير معه مواقف ؟
صحي أنكم مثاليين :lol:

ههههههههههههههههههههههههههههههههههههههههههه هلء كل هل خوف من ضفدع لك لو يطلعلك عربيد متل عنا شو بيصير فيكي هههههههههههههههههههه مشكورة

مغامرات عربيه شقيه
انا اول ماجبت العربيه كانت بحصل مواقف كتير بتحك اووووي هقول موقف منها
انا اول ماتعلمت السواقه كان اصحابي بيركبوا معايا عشان كنت بخاف موووت كانت صحبتي تقف ع نصيه الجراج علشان تتطلعني منه للشارع كانت عسكري مرور امور الصراحه هههههههه.
المهم خد العربيه مره وخد 3من اصحابي وطبعا انا لسه جديده في السواقه وكنت سايقه برتحه خالص الشارع طبعا كله ورايا بيزمر هيزل يضربني المهم العربيه وقفت ومش عايزه تدور... هنعمل ايه هنعمل ايه؟
المهم انزلنا واحنا حلوين كده اربع بنات نزلين يزقوا العربيه في وسط الشارع والشباب باه كله كان عايز ينزل يساعد والشارع كله كان بيضحك عليا. وكمان ماكنتش بعرف ارمي واستعنا باحدي فرق المساعده لرامي العربيه والحمد مشيت ووقفت تاني . :P

لا ديه صحبتي هيا عسكري المرور بتاعي ههههههههههههه

:lol:

سلسبيل .. مش يمكن الناس ارتعبو منك :twisted:


دولي .. احكيلنا عن الخناقات ونحنا بنقلبهالك ضحك :lol:

لا يا اخت lovely_girl مو قصة غباء يمكن لانو انتي قلبك حنون مابيحب العنف او الضرب فأول ماسمعتي كلمة ضرب صرتي تبكي ههههههههههههههههههههههههههههههههههههههههههههههههههههههههههههههههههه

looool rire

من يومين كنت بمركز حكومي عمبعمل شوية اوراق
ومو ناقص غير اتوجه لست الحسن والدلال يلي قاعدة ورا الجهاز عمتزبط المواعيد مشان حدد موعدي
رحت لعندا وطاااااااااااار عقلي لأنو ماكان عندا زحمة وكنت انا اول وحدة ومعي واسطة فوقا :lol:
انا : كيفك حبابة .. زكاتك بدي موعد عالسريع لأنو مستعجلة
هيي : تكرم عينك
بعد دقيقتين وهيي عمتشتغل بأوراقي .. بلاحظلكن شي غريب عميتحرك من وراها :shock:
اصفن و اصفن بالارض .. وقول والله كإني حسيت في شي .. :roll:
وإزززززززززززز
بتطلع فارة بيضا بطيّر العقل
أنا مخاطبة الموظفة : حبابة حبابة ...
في فارة وراكي ..

ومالحقت كمل جملتي ..
مالقيت غير الحبابة هي صارت دبابة وصرخت صوت فرجت علينا أمة لاإله إلا الله
وركدت حافية بممرات المركز
اتاري المخلوقة تعبانة وآخدة راحتها عالآخر :lol:
والمخلوقة فص ملح وداب ..
والله لولا الحاجز والسد بيني وبين الفارة كنتو لقيتوني عمبركد أسرع منها
بس ربكم ستر انو مستحيل الفارة توصل إلي إلا اذا صارت سوبرماوس
رحت لدور عالموظفة لك عالأقل ترجعلي اوراقي شوف غيرها يمشيلي ياها
لقيتا بتردح عالمدير ردح إنما ايه ؟؟!! __>>>> نسيت قلكن انها مصرية
وقعدت ساعة قلها يا حبابة
يا مدام
يا خانوم
تطول
تقصر
مافي فائدة
تصرخ وتقول انا مش راجعة المكتب
وضليت هيييييييييييييك لحد آذان المغرب
لحتى لاقولها مكتب تاني نظيف من الفيران
ورجعت عالبيت وانا مبسوووووووووووووووطة
لأنو لأول مرة مو انا يلي بيطلعلي كائن مخيف :lol:

وخلصت حتوتة بتوتة

لنرجع ننكش هالموضوع بموقف زغنون ..

مبارح كنت رايحة لعند رفيقتي بالسيارة ومبسوطة على حالي
انو أخدت شهادة السواقة ومبقا اتمرمط بالتكاسي



دج :shock:


عملت أول حادث و هربت على بيتنا ولا كأنو في شي صار :lol:

اليوم بابا رايح يشتكيني عند الشرطة مشان نقدر نصلح السيارة


سلام

صعي نسيت قول انو رفيقتي طعمتني بيتزا كتير طيبة 8)

لايعكر صفة طيابتها إلا فنطي بابا كمان شوي من بعد مايرجع من عند الشرطة :lol:

يييييي .. لك لأه مو هيك :oops: يعليي شوهت صورة الحجي من دون ماحس الله يخليلي ياه

بس نحنا عنا لما الواحد بيعمل حادث ولو زغير
المهم السيارة عليها أثر ولو خدش خفيف
فلازم يتصلح
والمصلح مابيقبل يمد إيده عليها إلا بورقة ضبط من الشرطة
فمشان هيك بابا مضطر يروح يقلن بنتي الله يرضى عليها :lol: خبطتلي السيارة
وبدي تكتبولي ضبط لإقدر صلح البلاوي

هي هيي القصة

الحمدلله على السلامة ريري بخصوص الحادث

واتعيشي واتشوفي غيرها بخصوص الفارة

الله يسلمك صائد الأسود .. وانسولي ياها هالفارة بلا هالرعبة هلأ :x


موقف جديد .. .( كأنو بس انا يلي عميصير معي مواقف ولا شو ؟ :roll: )

من شوي كنت عمصلي صلاة العشاء .. ولأول مرة بحس أنو صلاة راااائعة
وبتمنى انو ماتخلص .. مرتاحة كتييييير كتييييير ... مابعرف ليش ..
خلصت الركعة الأولى ...
وأنا عمببدا بالتانية ...

..

لك ليش مو لابسة حجاب الصلاة ؟ :oops:


وعمقول لحالي ليش مرتاحة بالصلاة !!

سلام

ههههههههههههههههههههههههههههههههههههههههههههههههههههههه :twisted:
ريري الضفدع عمل فيكي كل هالشي لو كان طالعلك............. قطو شو عملتي

كان صرتي تنطي وما تحطي :affraid:

لك شو نط ماحط؟؟ .. إذا كانت عالرصيف الأول انا بمشي عالتاني
واذا لمحتها قدامي .. صوتي بيلمّ كل المساعدة يلي بالشارع :lol:
مرة طلعتلي قطة بنص الليل لما كنت بالشام .. والحمد لله كنت مع أخي يومها
نطتلي من برميل الزبالة لتركد قدامي
ماعملت شي غير صرخ بأعلى صوتي وبلشت إركد لـ لامكان محدد :oops:
ماحسيت على حالي إلا وأخي ماسكني وعميقلي ولي على جدبتك شو نعنوعة :lol:

بس لاتقولو لحدا




لك يلى احكو مواقفكن شو بس انا بدي احكي ؟ :evil: