التحليل النفسي للطالب الجامعي

أحضر ورقة وقلم وجاوب على كل سؤال بإختيار الرمز
أ ، ب ، ج ، د ... ثم
قارن إجاباتك بالحل الموجود
بالأسفل.

1- داخل المحاضرة تحس بــ :
أ) نعاس شديد.
ب) أفكار
مبدعة.
ج) حيوية زائدة..
د) ملل.

2- كلمة
Break تعني لك :
أ) يلا نأكل.
ب) يلا نفيع.
ج) حل الواجبات.
د)
نقعد ونتفرج على اللي رايح واللي جاي.

3- دخلت على
المحاضرة متأخر وحكالك الدكتور ما في تفوت :
أ) بتطلع وأنت مبسوط 'أجت
منه'.
ب) بلاش، فوق ما جاي تحضر!
ج) بتتأسفله وبتناقشه عشان يفوتك.
د)
بتفوت ولا كأنه في حدا.

4- إذا رن موبايلك بالمحاضرة
:
أ) بتجاوب ولا كأنه في حدا بالمحاضرة.
ب) بتنعجق وبصير وجهك أحمر
قبل ما يحكيلك الدكتور شي.
ج) ما بتنتبه انه إلك وبيظل يرن.
د) بتسكره وبتعمل
حالك ولا إلك دخل.

5- أكثر مكان بتقضي فيه وقتك في
الجامعة:
أ) عند مدرج الجامعة.
ب) وين ما بتلاقي ناس بتدحش
حالك.
ج) في المكتبة.
د) الكافتيريا.

6- دخلت
على امتحان 64 نموذج وكان الامتحان كثير صعب والأسئلة multiple
choice:
أ) بتغش من اللي قدامك حتى لو مش نفس نموذجك.
ب) بتشير
وبتطلع.
ج) بتحاول حتى النهاية يمكن ينزل الوحي.
د) بتستنى آخر الامتحان يمكن
فاعت القاعة وقدرت تغش من واحد مثل نموذجك.

7- بآخر
ربع ساعة من المحاضرة بتكون:
أ) نعسان لدرجة انك مش شايف الدكتور.
ب)
سرحان بتفكر بكل شي ماعدا موضوع المحاضرة.
ج) بتظل مركز مع الدكتور.
د) جوعان
ومعدتك بتطبل.

8- كنت ماشي بين الطبية والطاقة ووجدت
مصباح علاء الدين وطلعلك المارد:
أ) بتنعجق وبتطلب منه 1000 ليرة.
ب)
بتخللي يحملك لآخر الطريق.
ج) بتطلب منه يجيبلك أسئلة الامتحانات الجاية.
د)
ما بتعبره لأنك أكيد عم تحلم.

9- تراودك فترة
الامتحانات الأحلام التالية:
أ) كوابيس انه الامتحان أجا وانت مش
دارس.
ب) انك بتضحك كثير ومش قادر تتحرك.
ج) انك بتحل معادلات وبتجمع وبتضرب
بس الجواب مش طالع معاك.
د) ولاشي .. بتنام وبتصحى ولا كأنك
نمت.

10- أعطاكم الدكتور واجب:
أ) بتعرف
قبل المحاضرة انه اليوم عندك تسليم الواجب وبتشفه من صاحبك.
ب) قبل المحاضرة
بتروح على المكتبة وبتحاول تحل أي شي.
ج) بتكون حاله من البيت وعامل أحلى
غلاف.
د) ما بتسلمه للدكتور لأنك مطنش ومش هامك.

11- بتصل فيك صاحبك وبحكيلك طالعين بالليل وبكرة عندك امتحان
صعب:
أ) ما بتطلع وما بتدرس بس بتربط المنبه على 3 الفجر عشان تدرس بس ما
بتصحى.
ب) بتطلع وطول الليل بتسهر تدرس.
ج) بتدرس وبتحلق لصاحبك.
د) بتطلع
وبتحلق للامتحان.

12- في مادة نازلة عند دكتور بفهم
كثير بس أسئلته صعبة وفي دكتور ثاني ما
بفهم بس أسئلته سهلة ، وين
بتنزلها:
أ) ما بتعرف لأنه صاحبك نزلك برنامجك.
ب) طبعا عند الدكتور الثاني
بدون تردد.
ج) عند الدكتور الأول لأنك بتكون متشجع أول الفصل بس بتاكل هوا
بآخره.
د) وين ما بتنزل تنزل ما بتفرق معك.

أكثر إجاباتك (أ):
انت شخص دخلت على الجامعة بالغلط ،
بتحاول تدرس وتنظم وقتك بس مش زابطة
معك وغالبا معك وقت لكل شي إلا الدراسة ،
ولما تزبط معك وتلاقي وقت تدرس
فيه بتسرح كثير وما بتدرس.

أكثر إجاباتك (ب):
انت شخص عندك قدرات بس مش مستغلها ، مش
كثير مهتم بالدراسة ، بتدرس قبل
الامتحان بساعتين وبتجيب علامة مش بطالة ،
بنهنيك على صمودك بس كمان حاول
تأخذ الجامعة بجد أكثر.

أكثر إجاباتك (ج):
انت شخص نيرد بتموت على الدراسة ، بتنام
وبتصحى وانت بتفكر شو بدك تدرس ،
طبعا هدا الشي بخليك تتخطى سنين الجامعة
بسهولة.

أكثر إجاباتك (د):
انت شخص ولا
إلك دخل بالدنيا ، بتيجي على الجامعة وبتروح بدون ما يتغير
عليك اشي ، بس بتحضر
رفع عتب ومعدلك تقريبا بين 60 – 65 ومش مفكر
ترفعه.

بتمنى أعرف
شو اجابتكم

[ندعوك للتسجيل في المنتدى أو التعريف بنفسك لمعاينة هذه الصورة]الكدب خيبه والله يا رشا

طبعا [أ] ولا شئ غير الالف

بس والله امتحان جميل

ههههههه امتحان جميل انا طلعت

( ب )

يسلمووووا على طرحكــ الراائع

دمتى بكل تميز

Smile

شكرا حموووووووووووووووووووووو على مرورك ونورت انا فرحية ميش رشا الظاهر انك ملخبط
اهلا أسيرة الغرام ومشكورة على مرورك

[ندعوك للتسجيل في المنتدى أو التعريف بنفسك لمعاينة هذه الصورة]