اهديكم قصيدة كفاح للشاعر اسعد الروابة

بس تعلّمنـا نلـوم الدمـع وشـراع السفينـه

وا نتجاهـل لعبـة الأحـلام واسبـاب الجـراح

علميني وش يريـد الشـوك يالـوردة الحزينـه

اكثر من انـي بلعـت الضيـم وبحجـة مـزاح

كل ما اوجستي وجع قلبي وقلتـي لـي هوينـه

تصفـر ظلوعـي مثـل زلـن تعاتبـه الريـاح

امهلينـي اقهـر العبـره وقولـي الْلـه يعينـه

هالمحارب من محطة ليـا محطـة ولا استـراح

واتركيني اسعى يـم الـرزق مليـت السكينـه

في زمان الجوع الاغبر تصبـح اللقمـة سـلاح

واعذريني مـا تركـت لأصبعـك دبلـه ثمينـه

وعذري اقبح مـن ذنوبـن مايجملهـا السمـاح

ولاقدرت اجمع لك العش الصغيـر اللـي تبينـه

ياحمامـه علمـت قلبـي تراتـيـل الـنـواح

بكره ترميني المواني.. مدري وييييين بأي مدينه

وانا ياصبح امنياتـي طيـر مكسـور الجنـاح

مدري باكر وش اقـول لطلـة الفجـر الطعينـه

لاصحا عصفور حلمي ومالقـى قمـح الصبـاح

اه ياحلمـن خذلتـه ماقـدرت اصـل يديـنـه

لين شفته سبـل عيونـه عـن عيونـي وطـاح

الـوداع ولابقـى غيـر التبـاعـد والغبيـنـه

وعمرٍ يعاتب كفـوفٍ طولـت ترجـى القـراح

وان سألك الدمـع بالليـل البهيـم وقـال وينـه

ومابقى للصبر في قلبـك علـى الشـده بـراح

قولي راح.. وكان حلمه..كـل حلمه..ياسمينـه

راح مطحـون برحـى الايـام ذرتـه الـريـاح

راح يستجمـع شتاتـه صبـره يعـزي حنينـه

فارسٍ خانـه جـواد الحلـم وادمتـه الرمـاح

أنتصرنـا بالبدايـه كنّـا نحَسبـهـا هويـنـه

وانهزمنا وكل شـي بصحـوة الاوهـام راااااح

مثلنا حتـى يعيـش /وتلمـح الاحـلام عينـه

يبتـدي عمـره كفـاح وينتهـي عمـره كفـاح

اتمنى ان تنال اعجابكم ورضاكم
اخوكم ابن صويلح