شرح لعبة Silkroad

موضوع: شرح لعبة Silkroad السبت يناير 31, 2009 5:06 pm

لعبة SILKROAD ONLINE

ليه هي رقم 1

بالتأكيد لانها تفوقت على العاب كتير زي ال WOW و MU خصوصاً في اسلوب القتال الرائع واسلوب الوظائف المتعددة زي التاجر والحرامي
واللي يجعلها لعبة مش ممكن تمل منها الا اذا وصلت فيها لليفل كاب 70 ليفل
سيلك روود تتحدى الملل

بداية اللعبة الحقيقية من ليفل 20 تديلك فرصة محترمة انك تتعرف عاللعبة
وتاخد فكرة عنها قبل ما تبدأ الوظائف ( تاجر - حرامي - هانتر )

اللعبة تعتبر مجتمع واقعي باعتبارها لعبة اونلاين تحاكي مجتمع انت عايشه في حياتك

لانها وباختصار من النوع MMORPG يعني بتلعب بلاعب معين كانك انت بالضبط
وتشتريله لبسه واسلحته وتطورها وتقويها وتزود قوته كل ما زاد في الليفل

الجرافيك فيها قمة قمة في الروعة والابداع وقد تشعر انك فعلاً داخل
الطبيعة المحاكاة في اللعبة وتتنوع من غابات لصحراوات وواحات ونخل و اشجار
وصخور

جرافيك قد يبهرك من اول وهلة

ومش ده بس

الموسيقى رائعة وملائمة للموقع اللي انت فيه

في الغابات تسمع دقات الطبول

في الواحات تسمع اصوات الطيور الجميلة

اروع موسيقى تصويرية قد تجدها في لعبة اونلاين

لكن مش هاقدر اوريلك غير شوية صور ingame يعني من جوا اللعبة لشخصيات هتتعرف عليها معانا في المنتدى

لو كان عندك حلم القافلة التجارية والانتقال عبر المدن والرحلات ومقاتلة الحرامية والخارجين عن القانون

تبقى silk road هي الطريق الحقيقي لتنفيذ هذه القافلة

طب هقولك احنا في اللعبة بنعمل ايه عشان تبقى في الصورة

اللعبة تنقسم الى قسمين اساسيين

1- قسم ال level : ودي من اول ليفل 1 بحيث كل ما بقيت اعلى في الليفل كل
ما زادت فرصتك على شراء اسلحة و ملابس اقوى كل ما زادت قوتك الهجومية
والدفاعية
وتقدر تزيد في الليفل بقتل الوحوش المنتشرة في المدن و تنفيذ المهمات المطلوبة بتديك EXP Points لما توصل حد معين تطلع ليفل اعلى

ملحوظة : كل ما بقيت ليفل اعلى كل ما زادت ال EXP Points المطلوبة كل ما
زاد الوقت المطلوب وقد يصل الى شهر عشان توصل من بداية ليفل 70 الى نهاية
ليفل 70

2- قسم ال Job : او الوظيفة يعني بتشتغل ايه في اللعبة حرامي ... تاجر ... هانتر ( بودي جارد )
ال Job تبدأها من اول ليفل 20
ودي ليها شرح مفصل بكل انواع ال Job

باختصار هي دي اللعبة

وبالتفصيل الممل الممل جداً يبقى انت ناوي تلعب

شد حيلك يا بطل

انت في طريق الحرير SilkRoad Online

اولاً : تعمل Account ليك

ثانياً : هتنزلها ببساطة جداً

تصطبها وتنزل الابديت اوتوماتيك بمجرد ما تفتح اللعبة .. يمكن هياخد وقت كبير معاك عشان الابديتات كتير اوي

ثالثاً : تفتح اللعبة وتكتب بيانات الدخول
(قد تجد مشكلة في الدخول في الاوقات من الساعة 11 صباحاً بتوقيت القاهرة
الى الساعة ال 11 مساءاً وده بسبب الازدحام الشديد على اللعبة .. حاول كذا
مرة وهتخش )

طبعاً انصحك تختار سيرفر Athens لان هو ده السيرفر اللي موجود فيه اغلب الاصدقاء وفيهم انا شخصياً وطبعاً تحت امرك في اي مساعدة

ولو اختارت سيرفر مش ممكن تنقل شخصيتك من سيرفر لاخر

يعني السيرفر اللي هتخش فيه هتفضل فيه طول عمرك الا اذا حبيت تبدأ بشخصية جديدة ساعتها ممكن تختار سيرفر تاني

للدخول للعبة و الاشتراك من هنا

[ندعوك للتسجيل في المنتدى أو التعريف بنفسك لمعاينة هذه الصورة]

تسلم اخوى على الموضوع