جهزى نفسك عشان فى عريس جاى يتفرج عليكى بالليل!مناقشة مفتوحة عن جواز الصالونات

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

تصوروا إن الجمله دي فيه امهات بتقولها فعلا وللاسف ياجماعه انا ملاحظة ان فى بنات كتير وانا منهم لو رفضت انها تشوف العريس يبقى هيه فى حد تانى وتقوم الدنيا ومتعدش للاسف بضطر انى اعرض نفسى للموقف ده[ندعوك للتسجيل في المنتدى أو التعريف بنفسك لمعاينة هذه الصورة]

جمله بترخص اى بنت!
عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه

للدرجادي غلا الجواز ورخصت البنات!

العنوسه زادت ومش زادت وبس

لا

دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك ف بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟

*اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

معلش اسئلتي كترت
بس بجد الموضوع ده شاغلني اوى لانه نتيجه لتجربه كانت نتيجتها مأساويه
وحبيت اخد رأيكم

اعتقد انو الموضوع عادي

يعني البنت مثلا منين رح تتعرف على شباب؟

يمكن جيرانها مو عاجبينها او غير مهتمين فيها

ويمكن زملائها بالشغل غير منتبهين انو في بنت بسن زواج منتظرة من يتحركش بها

يعني عادي اذا تلقت مساعدة من حدا

وطبعا والاكيد انو ماحدا رح يجبرها

يعني كل الموضوع انهم بيعرفوهم على بعض

لي عودة ..

ان شاء الله

الموضوع ده مهم جيدا ، انا معاكى انه حاجة مش حلوة ان واحد يجى يتفرج على البضاعة وياعجبته يا لاء، لاكن داه واقع الزمن اللى احنا فيه دلوقتى، لان سن الجواز بقى فوق الثلاثين الان ،فأين ومتى تحب الفتاة وتتعرف غلى شخص وتقابله وتبداء تتعرف علية وهو ايضا يكون فى نفس السن تقريبا او اكبر خدى عندك لحد الاربعين ، ففى هذا السن تكونى انتى وهو اكثر نضجا وأكثر خبرة ،ففى هذا السن لا تستطيعى ان تحبى الحب بتاع بنت العشرين، لانك فى نظر الناس وفى نظر نفسك انك كبرتى ولابد ان تتزوجى من اى شخص مناسب ماديا واجتماعيا و اخلاقيا ده المفروض عند المجتمع ،اما الحب فهو فى علم الغيب ،هل سوف تحبية ام لا؟ وسؤالك عن الحب أين ذهب؟ فالحب نصيب زى الجواز بالضبط
ملحوظة: لوجاء عريس فى الصالون علشان يتفرج عليكى ، انتى كمان بتتفرجى علية وتقولى رأيك
لأن رأيك هو اللى هايمشى فى النهاية.
وبالنسبة لزواج الصالونات فهذا ليس عيب،المهم ان تكون فى فترة خطوبة كافية تحاولى ان تعرفى ولو جزء بسيط من شخصيتة. وفى الأخر والأول الجواز زى البطيخة سواء عن حب او غير حب