قصيدة عشق بدوي........

نويت مرباع الغضي سيد الاحباب=قصدي يزول الجرح زاد التهابه

جيت وبقايا نارهم حول الاطناب=بيت الشعر مطوي وباقي زهابه

اقفت ركايبهم ومني الهدب ذاب=من دمع يسأل وانذهل بالاجابة

على غزير الدمع ضميت الاهداب=صديت لين الدمع يقفي سحابه

بعض الوجع يمكن تداويه الاعشاب=وبعض الوجع يا ويل منهو سطابه

عشق بدوي لا حب ما هوب كذاب=يوفي لو هو تجدد صوابه

واليوم وصلت بيننا مثل الاجناب=ذاك الغلا يا ضيعته يا سفابه

باكر الا جينا لهم مثل الاغراب=من عقب ما كنا الاهل والقرابه

الامر لله كل شي له اسباب=والا الهوى وش لي على هج بابه

وشلون قلبي ما يجي اليوم منصاب=على الرجن منقوش بعض الكتابه

حتى اثر مشيه مع سهول وهضاب=مرٍٍِِ يبين ومر ما يندرى به

قلبي من الفرقا صويب ومرتاب=كنه غدا نصفين من هول ما به

حزني عليه انه تسبب ولا طاب=نظرة طبيبه عجلت في ذهابه

ريح الخزامى والنفل زين الاطياب=يشدني ريح السمر في ثيابه

لا اقبل نسيم الليل له خيل وركاب=وله في طلوع الشمس عز ومهابه

منقوله

[ندعوك للتسجيل في المنتدى أو التعريف بنفسك لمعاينة هذه الصورة]

مشكوره سمو الاميرة

لمرورك

[ندعوك للتسجيل في المنتدى أو التعريف بنفسك لمعاينة هذه الصورة]

مشكور يالغريب

على المرور

[ندعوك للتسجيل في المنتدى أو التعريف بنفسك لمعاينة هذه الصورة]

مشكورة اخت عبر

مرورك ينور صفحتي

» قصيدة عشق
» قصيدة.....قبل النوم
» قصيدة.... خلك حبيبي
» قصيدة حبّ
» قصيدة حب خطيرررررررررررررررررره