بدنا عروس للمحروس

بدنا عروس .....لهالمحروس

قد نختلف ....وقد نتفق ....وقد يكون لبعضنا رأي آخر
......لكن ذلك لن يغير الحقيقة ...الصارخة ...بأنها الطريقة الأكثر
انتشاراً ....في سوريا عموماً ...وفي الشام خصوصاً ......للزواج ......

حتى ولو لم تؤمن بها كشاب ....كطريقة للزواج الحضاري
.....فإنك قد تجد نفسك مضطراً للانصياع لرأي الوالدة .....في أن تبحث لك
عن (زوجة المستقبل بهذه الطريقة )....... وللغرابة ....قد توفق بعروس طيبة
.....

وحتى لو لم تؤمني بها ....كفتاة ...كطريقة مثلى
للارتباط ....ولكنك ستجدين نفسك مضطرة في كثير من الأحيان ....لمجاراة
المجتمع أولاً ...وأهلك ثانياً ...بالدخول أمام (الخطابين )..... وللغرابة
أيضاً ....قد توفقين بزوج رائع .

ما يثير في الأمر ....وما يهمني أنا من طرح هذا
الموضوع .... أن هذه الطريقة والأسلوب ....كثيراً ما تتكشف عن مواقف
....لا ينقصها الطرافة ....كما لا تعوزها الوقاحة في كثير من الأحيان
..... لنخرج منها (وخصوصاً نحن معشر الفتيات ) في النهاية ....بكم من
القصص ....التي عادة ما تكون مادة دسمة ....نتبادلها في مجالسنا
واجتماعتنا .... كما أنها قد تشكل مادة طريفة ....في موضوعي هذا ....

وأخيراً ...أكاد أسمع لسان حال ال (خطابين ) يقول ....

بدنا عروس للشب الأسمر ....
بدنا عروس جمالها سكر ......
لاتكون تتحمر .... ولا تتبودر ....
بنت عيلة وفي معها فلوس .....
بدنا عروس .... لهالمحروس

الزواج
هو سنة الكون وكل واحد فينا بيسعى الو وبيكافح مشان يكفي نص دينه ويرتاح
ويلاقي السعادة والحب الي كان عم يتمناه ويدور عليه مع شريك العمر
الزواج سعادة
الزواج مسؤولية
الزواج تعاون
الزواج محبة
الزواج اتحاد
الزواج راحة ( وعند البعض هم كبير )
والزواج والزواج....................ولو ضلينا عم نحكي عن الزواج لبكرا ما منخلّص

والاهل مناهن انن يزوجوا اولادن ويفرحوفيهم ويشوفوا اولاد اولادهم
يعني ما بتصدق الام تسمع من ابنها كلمة ( ماما اخطبيلي )او ( بدي اخطب ) لحتى تفقعلك هديك الزلغوطة
وتقول ( تقبر قلبي من بكرا بروح دورلك على بنت الحلال)
وبتبلّش الام تسأل ابنها على المواصفات اللي بدو ياها ابنها بالعروس مشان تعرف شو تشفلوا
هادا اذا ماكان الشب حاطط عينه على بنت معينة وبدو امه تروح وتخطبلوا ياها مباشرة بدون ما تدور وتعذب حالها
وبالحالة الاولى بتبلش الام تسأل وتبحث وتدقق وتستفسر من هالنسوان عن
البنات ( جمالهن – اعمارهون- شو دارسين – من بيت مين؟؟...........الخ)
والكل بدو الافضل وبدو يصاهر احسن العالم وهادا الشي مو غلط
بس بالاخر ماحدا بياخد غير نصيبو
وكمان ماحدا بيعرف وين نصيبو وشو مخبيلو المستقبل وعلم الغيب عند الله فقط والله يجعل نصيبنا متل ما منحب

من زمان كان في وحدة بيقولولها الخطّابة وشغلة الخطابة انها تدور وتشوف
هالبنات وتسأل عنهن وتنقل اخبار هالبنات للاهل اللي بدون يخطبوا لأولادهن
ومتل ما بيقولوا بالمتل المصري ( يا بخت مين وفّق راسين بالحلال )
وبيقولوا عنا احيانا ( نيالوا اللي بيجمع راسين بالحلال على مخدة وحدة )
وفي البعض بيقولوا عنا ( مشي بجنازة ولا تمشي بجوازة ) يا ترى صحيح هالشي؟؟؟؟؟
عنا في مجتمعنا الشامي الخطبة الها نكهة معينة وعادات وتقاليد بعض الناس لهلأ بتمشي عليها
ولا تخلو هالعادات من الطرافة والظرافة وهاي قصة من القصص اللي بتحكي طريقة الخطبة الشعبية عنا بالشام
تابعوا واستمعوا

القصة هي

أبطال القصة شخصيات منتقاة من الواقع

الوقت الساعة 12 ظهرا

المكان مدينة دمشق في أحد الأحياء الشعبية

الحوار:

الخطابة تطلب الرقم.....عم يرن التلفون.....قريضة انشالله ليش ما حدي عم يرد؟شو نايمين لهلأ؟
ارتفعت السماعة ......ألو
الخطابة مرحبا خالتي
البنت : أهلين
الخطابة : شلونك
البنت : الحمد لله ماشي الحال

الخطابة : الماما هون خالتي؟
البنت : [/أي هون مين بدو ياها؟
الخطابة : قوليلا وحدة
البنت : دقيقة شوي
البنت تنادي أمها: مامااااااااااا يا ماماااااااااااااااا
الام : ]شبيك
البنت : تعي احكي عالتلفون
الام : ]مين؟
البنت : وحدة ما بعرف مين
الام :] هاتي لشوف هالسماعة ......ألو
الخطابة مرحبا اختي
الام اهلين وسهلين
الخطابة : شلونك
الام : الحمد لله
الخطابة : مو أم عبدو؟
الام : أي نعم......مين حضرتك؟؟
الخطابة : يه ما عرفتيني؟
الام:[ لا والله
الخطابة : يه انا أم فاروق اللي كانت بعرس بنتا لأم فيصل وكنتي انتي حاضرة كمان

الام : والله يا اختي ما تذكرتك
الخطابة : ]وقتا قلتلك هاي بنتك اللي عم ترقص ؟؟قلتيلي أي ....شو ما تذكرتي؟
الام : أي أي صح ...........اهلين وسهلين يا أم عبدو
الخطابة: ]بالمأهل ..........وقتا سألتك اذا بتخطبي بنتك قلتيلي أي اذا بيجي نصيبا
الام : أي والله
الخطابة : خلص خيتو......اليوم شو عندك بعد العصر
الام: ييي والله اليوم عندي دوارة انا وسلفتي بعد العصر
الخطابة : طيب منجي هلأ
الام والله يا خيتو عم سقّط الرزات هلأ بيجي أبو عبدو جوعان خطي بدو يتغدى
الخطابة : بكرا لكان بعد العصر
الام : أي اهلا وسهلا بتشرفوا
الخطابة : يزيدك شرف يا أم عبدو.......والله قلبي انفتحلك وحبيتك كتير
الام : الله يسلمك ويحفظك
الخطابة : خاطرك حبيبتي ......
الام : الله معك مع السلامة

تاني يوم الساعة 5 بعد العصربتجي الخطابة على بيت الجماعة هيي وأختا أم
أحمد وكل وحدة جايبي معها كيس نايلون وحاطا فيه الكندرة الجديدة
شلحو كنادرون عالدرج ولبسوا الكنادر الجديدة اللي بالكيس ( أهيب قدام الجماعة )
رنو الجرص وفتحت الام الباب: وبعد السلام و الاهلا والسهلا وطق البوسات الحميمية
فاتو هالجماعة وقعدوا بالصالون

الام : انتو من بيت مين ؟
الخطابة : والله يا خيتو نحنا من بيت (...........)
الام : والله والنعم والسبع تنعام منكون...............عن اذنكون شوي
وبتقوم الام وبتروح بتقول لبنتا : يالله قومي لبسي وفوتي ضيفي القهوة وعديلك دقيقتين مشان يشوفوكي ووقت بغمزك بتقومي بتمشي
البنت : طيب ماما
في هذه الاثناء في الصالون
الخطابة لاختها ام احمد : شفتي ولك اختي؟ بيتون مرتب وأكابري.......ليكي على هالصالون ما احلا
ام احمد :أي والله يا اختي.....والام مبين عليها اكابرية كمان .....شفتي على هالكتف الراكز اللي الها ؟
الخطابة : أي والله............بركي ولك اختي بيكون نصيبنا عند هالجماعة..........اي والله مليت من هون لهون وانا عم دق بواب
ام احمد : انشالله
بترجع الام : اهلا وسهلا
بعد 5 دقائق بتجي البنت لابسة ومتهندسه وشايلة صينية القهوة وعم تمشي شوي شوي
البنت : مرحبا خالتي[ندعوك للتسجيل في المنتدى أو التعريف بنفسك لمعاينة هذه الصورة]
الخطابة : اهلين وسهلين بنور العين اسم الله حولك وحواليكي
البنت عم تقدم القهوة: تفضلي خالتي
الخطابة : يسلمو هالديات يا أميرة
ضيفت البنت القهوة وراحت قعدت مقابيل أمها[ندعوك للتسجيل في المنتدى أو التعريف بنفسك لمعاينة هذه الصورة]
الخطابة لاختها ام احمد همسا: حلوة ولك يا اختي
ام احمد همسا : ما كل هالاد ولك اختي.....مانك شايفي شلون الها شترة وتمها كبير هاي شلون اذا ضحكت؟
الخطابة : لك اختي منيحة ...هاي احلا وحدة منشوفا لهلأ
ام احمد : شو اسمك خالتي؟
البنت وهيي خجلانة : اسمي (........)
ام احمد: عاشت الاسامي يا خالتي
الخطابة : شو عم تدرسي خالتي؟ بكاروليا؟؟
البنت : لا خالتي لساتني حادي عشر
الخطابة : ايه الله يوفقك يا خالتي
البنت : شكرا خالتي
الام غمزت بنتا مشان تقوم فبتقوم البنت وبتطلع لبرا

الخطابة عم تهمس بأذن اختا ام احمد : رح اطلبا لك اختي هلأ
ام احمد : بكير لك اختي لسا ما سألنا عالجماعة منيح
الخطابة : لا يا اختي المكتوب مبين من عنوانو
الخطابة :أي اختي ام عبدو.....نحنا طالبين القرب منكن وانتو والهي دخلتو قلبنا بسرعة وحبيناكون كتير
الام : أديش عمرو ابنكون؟
الخطابة : ياستي ابني عمرو 27 سنة شب طول بعرض يخزي العين
الام :وشو بيشتغل ابنك؟
الخطابة : ييييه مشارك ابن عمو على سرفيس مشغلينو على خط الدوار الجنوبي وابوه عندو محل خضرة بسوق الهال
وابني خادم جيش ومخلص وصرلو سنة عم ينئ عليي بدو يتجوز...يقبر قلبي
الام : عندو بيت لحالو؟؟
الخطابة : لا والله عندو بيت آجار بالحجر الأسود 3 غرف ومنافعون
الام :وين ساكنين يا خيتو؟
الخطابة : بيتنا بسوق ساروجة
الام :والله ياخيتو لازم شوف ابو عبدو وشاورو .......ولازم نسأل عن ابنكون كمان والله يقدم اللي فيه الخير
الخطابة : ايه متل ما بدك اختي ام عبدو......وبهاليومين بحكي معك تلفون
الام :بيصير خير انشالله
الخطابة: خاطرك
الام : الله معكم مع السلامة
(كملو القصة وإذا ما حدا عرف يكملها بكمللكون ياها بعدين

كمليها يا ولاء شوقتينا كتير

ميرسي ياولاء على القصة

شكرا للجميع اسعدنى وجودكم

» عروس البحر
» بدنا عماااااااااااااااااااااااااااااار يرجع المنتدى
» اقتراح حلو ل الموجودين في المدرسة بس بدنا موافقة مديرتنا دندون
» رحبوا معايا ب الاخت ريــــــــــــم الشام بدنا ترحيب جااامد جدااااااااااااا
» عروس البحر